კვება ორსულობის დროს
გაიგეთ, რომელი პროდუქტებია სასარგებლო ორსულობისას და რისი ჭამა არ შეიძლება. რჩევები კვების რაციონის სწორად შესადგენად magarea.ge-სგან.
"ახლა ორის მაგივრად უნდა ჭამო" — ეს არის ფრაზა, რომელიც საქართველოში თითქმის ყველა ორსულს სმენია. თუმცა, თანამედროვე მედიცინა გვეუბნება, რომ მთავარია არა რაოდენობა, არამედ საკვების ხარისხი. კვება ორსულობის დროს პირდაპირ გავლენას ახდენს როგორც დედის ჯანმრთელობაზე, ისე ნაყოფის განვითარებაზე. ამ სტატიაში განვიხილავთ, როგორ შევადგინოთ ბალანსირებული მენიუ და რომელი პროდუქტებია "წითელ ზონაში".
რა არ შეიძლება ორსულობის დროს? (აკრძალული პროდუქტები)
უსაფრთხოება პირველ ადგილზეა. არსებობს პროდუქტები, რომლებმაც შესაძლოა ინფექციების (მაგალითად, ლისტერიოზის ან ტოქსოპლაზმოზის) რისკი გაზარდოს:
უმე ან ნახევრად მოხარშული ხორცი: სტეიკი "სისხლით" ან უმი საკამათო დელიკატესები ამ პერიოდში უნდა დაივიწყოთ.
არაპასტერიზებული რძის პროდუქტები: მაგალითად, ზოგიერთი სახეობის სოფლის ყველი ან რბილი ყველი (ბრი, კამამბერი), თუ ისინი არაპასტერიზებული რძისგანაა დამზადებული.
უმი კვერცხი: მათ შორის ხელნაკეთი მაიონეზი ან ტირამისუ (სალმონელოზის რისკის გამო).
ვერცხლისწყლის შემცველი თევზი: მოერიდეთ ხმალთევზას და დიდი რაოდენობით თინუსს (Tuna). ასევე თერმულად დაუმუშავებელ თევზს, და შებოლილ არასანდო თევზს. ხშირად, შებოლვის მაგივრად, თევზი გამოყავთ სპეციალურ სითხეში, რაც არათუ ჯანსაღი, მავნეც კია თქვენი ორგანიზმისთვის.
ალკოჰოლი: არ არსებობს ალკოჰოლის "უსაფრთხო" დოზა ორსულობისას. მათ შორის, არც სახლში დაწურული სუფთა საფერავი.
ნიკოტინი და ნარკოტიკული საშუალებები პირდაპირ ახდენს გავლენას ნაყოფის ჯანმრთელობასა და სიცოცხლეზე.
აუცილებელი პროდუქტები და ვიტამინები
თქვენი რაციონი უნდა იყოს მდიდარი შემდეგი ნივთიერებებით:
ფოლიუმის მჟავა: მწვანე ფოთლოვანი ბოსტნეული (ისპანახი), პარკოსნები.
რკინა: წითელი ხორცი (კარგად მომზადებული), წიწიბურა, ვაშლი.
კალციუმი: ხაჭო, იოგურტი, ნუშის რძე (ძვლებისა და კბილების ჩამოსაყალიბებლად).
ომეგა-3: ორაგული (მოხარშული/შემწვარი), ნიგოზი.
როგორ ავიცილოთ თავიდან ზედმეტი წონა?
წონის მატება ბუნებრივია, თუმცა მისი კონტროლი მნიშვნელოვანია პრეეკლამფსიისა და გესტაციური დიაბეტის პრევენციისთვის.
სვით ბევრი წყალი.
შეამცირეთ რაფინირებული შაქარი და ცომეული.
მიირთვით ხშირად და მცირე ულუფებით.
კვების დღიური: თქვენი საიდუმლო იარაღი
ბევრი ორსული ჩივის, რომ ავიწყდება რა ჭამა ან ვერ ხვდება, რატომ მოიმატა იმაზე მეტი, ვიდრე ექიმმა ურჩია. სწორედ აქ შემოდის თამაშში ორსულობის დღიური.
რატომ უნდა გამოიყენოთ magarea.ge-ს დღიური კვების სამართავად?
ორგანიზებულობა: შეგიძლიათ ჩაწეროთ თქვენი ყოველდღიური მენიუ.
ალერგიები და ტრიგერები: მარტივად აღმოაჩენთ, რომელი საკვები იწვევს დისკომფორტს ან გულძმარვას.
ვიტამინების კონტროლი: მონიშნეთ, მიიღეთ თუ არა დღეს ექიმის მიერ დანიშნული დანამატები.
ხშირად დასმული კითხვები კვებაზე
კითხვა: შეიძლება თუ არა ყავის დალევა ორსულობისას? ზომიერი რაოდენობით (დღეში 1-2 ფინჯანი, დაახლოებით 200 მგ კოფეინი) დასაშვებია, თუმცა უმჯობესია კონსულტაცია ექიმთან გაიაროთ.
კითხვა: როგორ ვებრძოლოთ "ღამის შიმშილს"? სცადეთ მსუბუქი წახემსება: მაწონი, ერთი მუჭა თხილი ან ხილი. მოერიდეთ მძიმე საკვებს ძილის წინ.
კითხვა: აუცილებელია თუ არა სპეციალური ვიტამინების მიღება? ვიტამინები ვერ ანაცვლებს სრულფასოვან კვებას, თუმცა ისინი მნიშვნელოვანი დანამატია. მათ დანიშვნას მხოლოდ ექიმი წყვეტს ანალიზების საფუძველზე. არ მიიღო ვიტამინები და მედიკამენტები, მეგობრების რჩევით. აუცილებლად გაიარე კონსულტაცია ექიმთან.
რატომ არის "Magarea" დღიური საუკეთესო არჩევანი?
ჩვენი დღიური არ არის მხოლოდ ლამაზი აქსესუარი. ის არის თქვენი ჯანმრთელობისა და სიმშვიდის გარანტი. დღიურის ყველა გვერდი ისეა დაგეგმილი, რომ არაფერი გამოგრჩეთ — დაწყებული კვების რაციონიდან, დასრულებული ემოციური მდგომარეობით.
იზრუნეთ საკუთარ თავზე და პატარაზე — აწარმოეთ კვების დღიური magarea.ge-სთან ერთად.
